Bo día a todos e a todas!
Sen saber moi ben como, chegou o final da nosa andaina neste curso tan accidentado. Ó mellor todavía non somos conscientes, pero acabamos de vivir un momento que poderiamos considerar histórico. Pasamos case tres meses sen poder saír das nosas casas e saímos adiante sobrevivindo como campións e campioas!
Persoalmente penso que é bo facer un balance de todo o ano, e sobre todo, do noso confinamento. Do que aprendimos e do que queremos aprender a partir de agora. Eu fágoo cada vez que remato un curso e axúdame a dárme conta da miña evolución. E vós, queredes facelo?
Creei esta pequena infografía para compartir un anaquiño de min convosco. Que vos parece? Compartides algo? Animádevos a reflexionar sobre vós mesmos/as?
Estou segura de que houbo momentos nos que vos sentistes un pouco perdidos/as, é normal! Sodes uns e unhas superviventes!
Por outra banda, ó final de curso gústame facer unha pequena enquisa entre o meu alumnado para poder mellorar a miña práctica docente. Como este ano non imos poder despedirnos en persoa, vou compartir por aquí un cuestionario. Obviamente non é obrigatorio pero coñecer a vosa opinión axúdame moito. Vai ser totalmente anónimo polo que podedes ser totalmente sinceros/as!!
Preme no debuxo para facer a enquisa:
Aucun commentaire:
Enregistrer un commentaire